தேசபக்தி வளர்க்க, மாணவர் நலன், சமுதாய நலன், ஆசிரியர் நலன் காக்க தேசிய ஆசிரியர் சங்கம். ( அரசியல் சார்பற்றது )
பள்ளிக்கல்வி இயக்குனர் (பணி நிறைவு) திரு கண்ணப்பன் அவர்களின் மகள் திருமணம் நாகர்கோவிலில் நடந்தது அதில் தேசிய ஆசிரியர் சங்கம் தமிழ்நாடு சார்பில் மாநில தலைவர் திரிலோகசந்திரன், பொதுச் செயலாளர் கந்தசாமி , தலைமை ஆசிரியர் லட்சுமிபதி, இணைச்செயலாளர் ராகவன், தலைமை நிலையச் செயலாளர் ராமச்சந்திர குமார்,கோட்ட செயலாளர்கள் ஜான் துரைக்கு மார்,சண்முகநாதன், குமரி மாவட்ட நிர்வாகிகள் காசி சாந்தகுமார்,ராஜன் பாபு , சிவசுப்பிரமணியன், சிவக்குமார் உள்ளிட்டோர் கலந்து கொண்டு வாழ்த்தினர்.
குருவணக்கம் & ஓய்வுபெற்ற ஆசிரியர்களுக்குப் பாராட்டு விழா!!!
திருவள்ளூர் மாவட்டத் தேசிய ஆசிரியர் சங்கத்தின் சார்பில், இன்று (12 - 8 - 2026) மாலை திருவள்ளூர் DRBCCC இந்து மேனிலைப்பள்ளியில் குருவணக்கம் & ஓய்வுபெற்ற ஆசிரியர்களுக்கான பணிநிறைவுப் பாராட்டு விழா மிகச் சீரும் சிறப்புமாக நடைபெற்றது.
கலைமகள் வணக்கத்துடன் தொடங்கிய இந்நிகழ்வில், திருவள்ளூர் மாவட்டத் மாவட்டத் தலைவர் முனைவர் வெ.பரமசிவம் அவர்கள் வரவேற்புரையாற்ற, மாநில இணைச் செயலாளர் திரு. தி. நீலமேகன் தலைமையுரை வழங்கினார்.
சிறப்பு விருந்தினர்களாகப் பேரம்பாக்கம் அரசு ஆண்கள் மேனிலைப்பள்ளியின் தலைமையாசிரியர் திரு. வா.பாலமுருகன், திருவள்ளூர் DRBCC இந்து மேனிலைப் பள்ளியின் தலைமையாசிரியர் திரு. G. V. ராமமோகன், கிளாம்பாக்கம் அரசு உயர்நிலைப் பள்ளியின் தலைமையாசிரியர் திரு. S.பாலாஜி ஆகியோர் கலந்து கொண்ட இந்நிகழ்வில், கனகம்மாசத்திரம் அரசு மேனிலைப் பள்ளியின் முதுநிலை வணிகவியல் ஆசிரியர் திரு. ச. தி. ஆனந்தன் சிறப்புரையாற்றினார்.
இவ்விழாவில், ஓய்வுபெற்ற ஆசிரியர்களான இரா.கி. பேட்டை அரசு ஆண்கள் மேனிலைப் பள்ளியின் தலைமையாசிரியர் திரு.கோ.சுந்தர் அவர்களுக்கும் கொட்டாமேடு அரசு உயர்நிலைப் பள்ளியின் பட்டதாரி ஆசிரியர் திரு. ச.தட்சணாமூர்த்தி அவர்களுக்கும் தேசிய ஆசிரியர் சங்கத்தின் சார்பில், பொன்னாடை அணிவித்து நினைவுப் பரிசும் கேடயமும் வழங்கப்பட்டன.
ஏற்புரை வழங்கிய ஓய்வுபெற்ற ஆசிரியர்கள் இருவரும் சங்கத்தின் சிறப்புகளை எடுத்துரைத்தனர்.
இவ்விழாவில், திருவள்ளூர் கல்வி மாவட்டத் தலைவர் திரு. ஸ்ரீ.சுப்பிரமணி அவர்களும் கல்வி மாவட்டச் செயலர் திரு. மு.ஆனந்தபாபு அவர்களும் ஊடகப்பிரிவுச் செயலர் திரு. நவீன் குமார் அவர்களும் ஊடகப்பிரிவின் உதவிச் செயலர் திரு. கா. ரகுபதி அவர்களும் திருத்தணி கல்வி மாவட்டப் பொறுப்பாளர்களும் திருவள்ளூர் மாவட்ட உறுப்பினர்கள் உட்பட ஏராளமானோரும் கலந்து கொண்டனர்.
மாநிலச் செயற்குழு உறுப்பினர் திரு. ம. சதீஷ்குமார் இந்நிகழ்வை மிகச் சிறப்பாக ஒருங்கிணைத்தார். திருவள்ளூர் மாவட்டத் தேசிய ஆசிரியர் சங்கத்தின் பொருளாளர் திரு. மே.சு. பார்த்திபன் நன்றியுரை வழங்கினார். இறுதியாக, நாட்டுப் பண்ணுடன் விழா இனிதே நிறைவுற்றது.
ஈரோடு மாவட்டம் தேசிய ஆசிரியர் சங்கம், தமிழ்நாடு சார்பாக
குரு வணக்கம் நிகழ்ச்சி ஈரோடு செங்குந்தர் மேல்நிலைப்பள்ளி வளாகத்தில் இனிதே நடைபெற்றது. கூட்டத்தில் மாநில பொருளாளர், திரு இரா. திருஞான குகன் அவர்கள் தலைமையில், கோட்ட பொறுப்பாளர் திரு ஆ.ப. ஸ்ரீ ஹரி சிறப்பு கருத்தாளர், மாவட்ட தலைவர் திரு மு.சண்முக ராஜுலு, மாவட்ட செயலாளர் திரு து. ஸ்ரீ தரன், மாவட்ட பொருளாளர் திரு சு.ர.சுரேஷ்குமார், மாவட்ட மகளிர் அணி செயலாளர் திரு த. கிருத்திகா, இணைச்செயலாளர் திரு மு. சந்திர சேகர், மாவட்டத் துணைத் தலைவர் திரு சு.செந்தில் வேலன், ஈரோடு ஒன்றிய செயலாளர் திரு ப.மயில்சாமி மற்றும் தேசிய ஆசிரியர் சங்க உறுப்பினர்கள் கலந்து கொண்டு சிறப்பித்தனர்.
பவானி சாகர் தொகுதி சட்டமன்ற உறுப்பினர் திருமதி தமிழ்ச்செல்வி அவர்களுடன் தேசிய ஆசிரியர் சங்க நிர்வாகிகள் சந்திப்பு!!!
இன்று (1-8-26) பவானி சாகர் தொகுதி எம்.எல்.ஏ. திருமதி தமிழ்ச்செல்வி அவர்களை
மாநில பொதுச் செயலாளர் கந்தசாமி , மாவட்ட இணைச்செயலாளர் மனோகரன், சத்தி வட்ட செயலாளர் பாலசுப்பிரமணியன், தாளவாடி ஒன்றிய நிர்வாகிகள் உள்ளிட்ட பலர் சந்தித்து கோரிக்கைகளை வலியுறுத்தினர்
தாளவாடி வட்டார ஆசிரியர்களின் சான்றிதழ் மதிப்பீடு செய்ய அரசாணை வழங்கிட வேண்டும்.
ஆசிரியர் தகுதித் தேர்வில் தேர்ச்சி மதிப்பெண் அனைவருக்கும் 60 என நிர்ணயம் செய்து அரசாணை வெளியிட வேண்டும்.
2010 க்கு முன் நியமனம் செய்யப்பட்ட ஆசிரியர்களுக்கு தகுதித் தேர்வில் இருந்து விலக்களிக்க மத்திய அரசு வலியுறுத்தி தமிழ்நாடு சட்டமன்றத்தில் தீர்மானம் நிறைவேற்ற வேண்டும்.
மக்கள் தொகை கணக்கெடுப்பு பணியில் பணியமர்த்தப்பட்டுள்ள ஆசிரியர்கள் மற்றும் அலுவலர்களுக்கு கேரளா அரசைப் போன்று 20 அரை நாட்கள் சிறப்பு அனுமதி வழங்க வேண்டும்.
உள்ளிட்ட பல கோரிக்கைகளை பள்ளிக்கல்வித்துறை அமைச்சரின் கவனத்திற்கு கொண்டு சென்று தீர்வு காண வேண்டும் என கோரப்பட்டது.
இன்று (31-7-26) ஈரோடு வருகை தந்த மாண்புமிகு பள்ளிக்கல்வித்துறை அமைச்சர் திரு ராஜ்மோகன் அவர்களை தேசிய ஆசிரியர் சங்க பொதுச் செயலாளர் கந்தசாமி தலைமையில் மாநில பொருளாளர் திருஞான குகன், ஈரோடு மாவட்ட தலைவர் சண்முக ராஜூலு, செயலாளர் ஸ்ரீதரன் , மகளிர் அணி செயலாளர் திருமதி கிருத்திகா மாவட்ட பொருளாளர் சுரேஷ்குமார் இணைச்செயலாளர் சந்திரசேகர் உள்ளிட்டோர் சந்தித்து பேசினர்.
சந்திப்பின் போது
அரசுப்பள்ளியில் 8 ம் வகுப்பு வரை காலை உணவு திட்டத்தை விரிவுபடுத்த உள்ளமைக்கும்,
அரசு உயர்நிலை மேல்நிலைப் பள்ளியில் வினாத்தாள் கட்டணம் ரத்து செய்ய பரிசீலனை செய்ய உள்ளதாக அறிவித்தமைக்கும் நன்றி தெரிவித்தோம்
அதே சமயம்
மக்கள் தொகை கணக்கெடுப்பு பணியில் ஈடுபட உள்ள ஆசிரியர்களுக்கு 20 அரை நாட்கள் சிறப்பு அனுமதி வழங்குதல்
6-8 வகுப்புகளில் ஆல் பாஸ் நடைமுறையை மறுபரிசீலனை செய்தல்
கூடுதல் தேவை என கண்டறியப்பட்ட அனைத்து ஆசிரியர் பணியிடங்களளை இயக்குனர் பொதுத்தொகுப்பிலிருந்து தேவையான பள்ளிகளுக்கு வழங்கி பணியிடம் நிரப்பப்படும் வரை பள்ளி மேலாண்மைக்குழு மூலம் நிரப்ப அனுமதி அளித்தல்
ஆசிரியர் பயிற்றுநர் ஊதியத்தை IFHRMS மூலம் வழங்க நடவடிக்கை எடுத்தல்
தாளவாடி வட்டார ஆசிரியர்களின் கர்நாடக மாநில சான்றிதழ் மதிப்பீடு செய்து ஆணை வழங்குதல் உள்ளிட்ட பல கோரிக்கைகளை வலியுறுத்தினோம் அனைத்தையும் பரிசீலனை செய்வதாக அமைச்சர் அவர்கள் தெரிவித்தார்
மாண்புமிகு கல்வித் துறை அமைச்சர் அவர்கள் அனைத்து ஆசிரியர் சங்கங்களையும் அழைத்துப் பேசுவதற்கு ஏற்பாடு செய்துள்ளார்கள். அமைச்சர் அவர்களின் அழைப்பின் பேரில் தேசிய ஆசிரியர் சங்கத்தின் சார்பாக மாநிலத் துணைத் தலைவர்கள் திரு விஜய், திரு.முருகன் ஆகியோர் இன்று நடைபெறக்கூடிய ஆலோசனை கூட்டத்தில் பங்கேற்றுள்ளனர்.
CLICK HERE TO DOWNLOAD
இன்று 18.6.2026 (வியாழன்)மாலை 5 மணி அளவில் தேசிய ஆசிரியர் சங்கம் மாநில அமைப்பின் வழிகாட்டலின் படி மூத்த ஆசிரியருக்கான TET தேர்வில் இருந்து விலக்களிக்கும் மசோதாவை நாடாளுமன்றத்தில் வருகின்ற மழைக்கால கூட்டத் தொடரில் ஏற்றக்கோரி மாண்புமிகு பாரத பிரதமர் அவர்களுக்கும் ,
மாண்புமிகு மத்திய கல்வி அமைச்சர் அவர்களுக்கும், டெட் தேர்விலிருந்து மூத்த ஆசிரியர்களுக்கு விலக்க அளிக்க மத்திய அரசை வலியுறுத்த தமிழக சட்டமன்றத்தில் முதலமைச்சர் தலைமையிலான அமைச்சரவை தீர்மான ஏற்ற கோரியும் கோரிக்கை கடிதங்கள் மதுரை மாவட்ட ஆட்சியர் வாயிலாக மாண்புமிகு,பாரத பிரதமர்,மாண்புமிகு மத்திய கல்வி அமைச்சர் மற்றும் மாண்புமிகு தமிழக முதல்வர் அவர்களுக்கு அனுப்ப சமர்ப்பிக்கப்பட்டது .நிகழ்வில் தேசிய ஆசிரியர் சங்கம் மதுரை மாவட்ட தலைவர்
திரு சா. பரமசிவம் செயலாளர் திரு .கணேசன் பொருளாளர்
திரு.ஆறுமுக கடவுள் மற்றும் உறுப்பினர்கள் கலந்து கொண்டார்கள்.மேலும் பிற ஆசிரியர் சங்கமான ஆரம்ப பள்ளி ஆசிரியர் கூட்டணி,வாடிப்பட்டி ஒன்றியம், பட்டதாரி ஆசிரியர் சங்க உறுப்பினர்கள்,
நிர்வாகிகள் மதுரை மாநகராட்சி ஆசிரியர் நல உறுப்பினர்கள் கலந்து கொண்டார்கள் .முன்னதாக கடிதம் வழங்க நிகழ்வுக்கு முன் டெட் விலக்க மசோதாக்கான விளக்கக் கூட்டம் ஆட்சியர் அலுவலக வளாகத்தில் தேசிய ஆசிரியர் சங்க தலைவர் திரு சா. பரமசிவம் தலைமையில் நடைபெற்றது.நிகழ்வில் கலந்து கொண்ட அனைத்து பொறுப்பாளர்கள், பிற ஆசிரியர் மன்ற நிர்வாகிகள் உறுப்பினர்கள் அனைவருக்கும் தேசிய ஆசிரியர் சங்கம் மதுரை மாவட்டத்தின் சார்பாக மனமார்ந்த நன்றிகளை தெரிவித்துக் கொள்கிறோம்.
இன்று 27.05.2026 பிற்படுத்தப்பட்டோர் மற்றும் மிகவும் பிற்படுத்தப்பட்டோர் சீர்மரபினர் துறை அமைச்சர் திரு.V சம்பத் குமார் அவர்களை தேசிய ஆசிரியர் சங்கம் சார்பாக சந்தித்து கள்ளர் சீரமைப்பு துறை சார்ந்த கோரிக்கைகள் வழங்கிய தருணம். இந்த நிகழ்வில் மாநில தலைவர். திரு . திருலோக சந்திரன் பொதுச் செயலாளர் திரு. கந்தசாமி. மாநிலத் துணைத் தலைவர்கள் திரு விஜய் , திரு.முருகன். இணைச் செயலாளர்கள் திரு ராகவன்,திரு நீலமேகன். தலைமையிடச் செயலாளர் திரு. ராமச்சந்திர குமார் மற்றும் திருவள்ளூர் மாவட்ட தலைவர் திரு பரமசிவம் ஆகியோர் சந்தித்து அமைச்சரிடம் கள்ளர் சீரமைப்பு துறை சார்ந்த கோரிக்கைகள் வழங்கப்பட்டன. அதிலும் மிக முக்கியமான கோரிக்கையான வெளி மாவட்டத்தில் இருந்து வந்து பணி செய்யும் முதுகலை ஆசிரியர்கள் மற்றும் பட்டதாரி ஆசிரியர்களின் மிக முக்கியமான துறை மாறுதல் சம்பந்தமாக தெளிவாக எடுத்துரைக்கப்பட்டது. அமைச்சரவர்கள் அதற்கு உரிய நடவடிக்கை எடுக்கிறேன் என்று கூறினார்.
தேசிய ஆசிரியர் சங்கம் தமிழ்நாடு ஆளுமை திறன் மேம்பாட்டு பயிற்சி முகாம்
பராபவ ஆண்டு வைகாசி 9 மற்றும் 10 (மே மாதம் 23 மற்றும் 24) சனி மற்றும் ஞாயிற்றுக்கிழமையில் ஸ்ரீ வித்யா மந்திர் மேல்நிலைப்பள்ளி சிவாஜி நகர் அம்மாபேட்டை சேலத்தில் நடைபெற்றது. துவக்க நிகழ்வில் டாக்டர் கிருஷ்ண செட்டி வித்யா மந்திர் கல்வி குழும தாளாளர் அவர்களும் திரு ராசி சரவணன் வணிகர் சங்க தலைவர் சேலம் அவர்களும் பேராசிரியர் ரா குமாரசாமி ஓய்வு பெற்ற பேராசிரியர் சேலம் கலை கல்லூரி அவர்கள் கலந்து கொண்டனர். மேலும் மாநிலத் தலைவர் திரு மா கோ திருலோகசந்திரன், மாநிலத் துணைத் தலைவர்கள் திரு முருகன், திரு விஜய், திரு வினோத் , மாநிலச் பொது செயலாளர் திரு மு கந்தசாமி , மாநில பொருளாளர் திரு திருஞான குகன் , மாநில இணைச்் செயலாளர் திரு ராகவன்,மாநில மகளிர் செயலாளர் திருமதி ஸ்ரீ சாருமதிதேவி மற்றும் ஊடக அணி இணைச் செயலளர் திரு ஶ்ரீராம் வழிகாட்டுதல்படி இரண்டு நாட்கள் சிறப்பாக பயிற்சி நடைபெற்றது. ABRSM இன் அகில இந்திய பொறுப்பாளர் திரு லட்சுமன் ஜி அவர்கள் கலந்து கொண்டு ஆசிரியர்களுக்கு நமது சங்கம் (MISSION & VISION) குறித்து எடுத்துரைத்தார்.இதில் மாநிலம் முழுவதிலும் இருந்து பல்வேறு கோட்ட மாவட்ட பொறுப்பாளர்கள் மற்றும் ஆசிரிய உறுப்பினர்கள் கலந்து கொண்டனர். நிகழ்ச்சியில் ஆசிரியர்களுக்கு மன்னார்குடி ஜீயர் ஆசியுரை வழங்கினார்.இதில் ஆசிரியர் ஆளுமை திறன் மேம்பாட்டு சார்ந்த பல்வேறு வழிகாட்டுதல்கள் வழங்கப்பட்டன. கல்வி ஆற்றில் பணி ஓய்வு பெற்ற ஆசிரியர்களுக்கு சிறப்பு செய்யப்பட்டது. நிகழ்ச்சிக்கான ஏற்பாடுகளை சேலம் மாவட்ட பொறுப்பாளர்கள் மிகச்் சிறப்பாக செய்திருந்தனர்.
