இன்று 08/06/2022 புதன்கிழமை தருமபுரி மாவட்டம் பச்சமுத்து மெட்ரிக் மேல்நிலைப் பள்ளியில் நடைபெறும் விடைத்தாள் பத்தாம் வகுப்பு திருத்தும் முகாமில்
மாநிலத்தலைவர் திரு.ம.கோ.திரிலோகச்சந்திரன் அய்யா அவர்களின் ஆலோசனைப்படியும், மாநில பொதுச்செயலாளர் மதிப்பிற்குரிய திரு .மு.கந்தசாமி அய்யா அவர்களின் வழிகாட்டுதல்படியும் நமது தேசிய ஆசிரியர் சஙகத்தின் சார்பாக மாவட்டத்தலைவர் திரு. சி.துரைசாமி அவர்கள் நமது சங்கத்தின் செயல்பாடுகள், ஆசிரியர்கள்,மாணவர்கள் மற்றும் சமுதாயத்திற்கும் இத்தேசத்திற்கும் நமது சங்கம் செய்துவரும் பணிகள் குறித்தும் ,
நமது ஆசிரியர்களின் முதன்மையான கோரிக்கையான
பழைய ஓய்வூதியதிட்டத்தை அமல்படுத்துவது,
நிலுவையில் உள்ள பழைய 21 மாத அகவிலைப்படி ,
தற்போது வழங்காமல் உள்ள அகவிலைப்படி ,
நிறுத்தப்பட்டுள்ள சரண்டர் தொகைபெற வழிவகை செய்தல் ,
இன்றைய இக்கட்டான சூழ்நிலையில் ஆசிரியர்களுக்கான பணிப் பாதுகாப்புச்சட்டம் வழங்குவதின் அவசியம் உள்ளிட்ட கோரிக்கைகளை விவரித்து பேசினார்.
இக்கூட்டத்திற்கு மாவட்டத் துணைத்தலைவர் திரு சுரேஷ் அவர்கள்முன்னிலை வவகித்தார்.
மேலும் கல்வி மாவட்டப் பொறுப்பாளர்கள்,ஒன்றிய பொறுப்பாளர்கள்,சங்க உறுப்பினர்கள்,ஆசிரியப்பெருமக்கள் திரளாகக் கலந்துகொண்டனர்.
கூட்டத்தில் பத்தாம் வகுப்பு தேர்வுப்பணி மற்றும்விடைத்தாள் திருத்தும் பணிக்கு வழங்கப்படும் மதிப்பூதியமானது மேல்நிலை வகுப்புகளுக்கு வழங்கப்படுவதைக்காட்டிலும் குறைவான மதிப்பூதியம் வழங்குகின்றனர் என்பதை சுட்டிக்காட்டி சரிசமமாக மதிப்பூதியம் வழங்கவேண்டுமென கோரிக்கை வைத்தனர்.
கோரிக்கையை மாநில அளவில் எடுத்துச்செல்லப்பட்டு உடனடியாக நிறைவேற்ற நடவடிக்கை எடுக்கப்படும் என்று மாவட்டத்தலைவரால் வாக்குறுதியளிக்கப்பட்டது.
குறிப்பு:
கூட்டம் தொடங்குவதற்குமுன் நமது சங்கம்சார்ந்த மற்றும் ஆசிரியர்களுக்காகவும் மாணவர்களுக்காகவும், இச்சமுதாயத்திற்காகவும் ,தேசத்திற்காகவும் முன்னெடுக்கும் செயல்விளக்க நோட்டீஸ் அனைவருக்கும் வழங்கப்பட்டது.
இறுதியில் நன்றியுரையுடன் கூட்டம் சிறப்பாக நிறைவுபெற்றது.
இப்படிக்கு
சி துரைசாமி
தலைவர்
தேசிய ஆசிரியர் சங்கம்
தருமபுரி மாவட்டம் .
செய்தி வெளியீடு :
மாநில ஊடகப் பிரிவு,
தேசிய ஆசிரியர் சங்கம்,
தமிழ்நாடு.
கடந்த வாரம் ஜம்முகாஷ்மிர் மாநிலத்தில் தான் பணியாற்றும் அரசுப்பள்ளியிலேயே ஆசிரியை திருமதி ரஜினி பாலா அவர்கள் தீவரவாதிகளால் கொல்லப்பட்ட சம்பவத்திற்கு நடவடிக்கை எடுக்கக்கோரியும் ஆசிரியகளுக்கு தகுந்த பாதுகாப்பு வழங்கக்கோரியும் மத்திய உள்துறை அமைச்சர் மற்றும் ஜம்மு காஷ்மீர் துணைநிலைக் கவர்னர் அவர்களுக்கு தருமபுரி மாவட்ட ஆட்சியர்மூலம் தருமபுரி தேசிய ஆசிரியர் சங்கம் சார்பாக 06/06/2022 அன்று மனு அளிக்கப்பட்டது..
இம்மனு மாநிலத் துணைத்தலைவர் திரு. முருகன், மாவட்டத் தலைவர் திரு.துரைசாமி மற்றும் மாவட்டத்துணைத் தலைவர் திரு. சுரேஷ் ஆகியோர்மூலமாக வழங்கப்பட்டது.
25/04/2022 அன்று புதியதாக பொறுப்பேற்றுக்க் கொண்ட
தருமபுரி மாவட்ட முதன்மைக் கல்வி அலுவர் அய்யா அவர்களை
நமது தருமபுரி மாவட்ட தேசிய ஆசிரியர் சங்கத்தின் சார்பாக சந்தித்து பதவியேற்றுக்கொண்டதற்கான வாழ்த்துகளும்,தமிழ் புத்தாண்டு வாழ்த்துகளும் தெரிவித்துக் கொள்ளப்பட்டது. மேலும் தற்போது நடைபெற இருக்கும் 10 மற்றும் 12 ஆம் வகுப்பு பொதுத்தேற்விற்கான அறை கண்காணிப்பாளர்களை அந்தந்த ஒன்றியத்திற்குள்ளே ஆசிரியர்களை பணியமர்த்தப்படும்போது அந்தந்த ஆசிரியர்களின் இருப்பிடத்தை கவனத்தில்கொண்டு பணியாணை வழங்குமாறு முதன்மைக் கல்வி அலுவலர் அவர்களிடம் கோரிக்கை வைக்கப்பட்டது.
அய்யா அவர்களும் கோரிக்கையை கனிவுடன் பரிசீலித்து முடிந்தவவரை அவ்வாறு ப்ணியாணை வழங்குவதாக உறுதியளித்துள்ளார்கள் என்பதை மகிழ்வுடன் தெரிவித்துக்கொள்ளப்படுகிறது.அப்போது அய்யா அவர்களுக்கு சங்கத்தின் சார்பாக நன்றி தெரிவிக்கப்பட்டது. மேலும் இந் இனிய நிகழ்வில் மாவட்டத் தலைவர்
திரு. சி.துரைசாமி மாநிலத்துணை தலைவர் திரு. முருகன் அய்யா,மாநில மகளிர் அணி இணை செயளாலர் திருமதி.சித்ரா மற்றும் கல்வி மாவட்டத் தலைவர்கள்
திரு. இராஜா,திரு. சதீஷ்குமார் மற்றும் பலர் உடனிருந்தனர்.
தேசிய ஆசிரியர் சங்கம் ஈரோடு மாவட்ட நிர்வாகம்.
கள்ளக்குறிச்சி மாவட்ட தேசிய ஆசிரியர் சங்கத்தின் சார்பாக இன்று மாலை கள்ளக்குறிச்சி மாவட்ட முதன்மை கல்வி அலுவலர் அவர்களுக்கும், முதன்மை கல்வி அலுவலரின் நேர்முக உதவியாளர் களுக்கும், கள்ளக்குறிச்சி கல்வி மாவட்ட அலுவலர் அவர்களுக்கும் மற்றும் கள்ளக்குறிச்சி வட்டார கல்வி அலுவலர்களுக்கும் புத்தாண்டு வாழ்த்து அட்டை வழங்கப்பட்டது.
இந்த இனிய நிகழ்வில் விழுப்புரம் கோட்ட செயலாளர் திரு.கதிர்வேல், கள்ளக்குறிச்சி மாவட்ட தலைவர் திரு. பாலாஜி, கள்ளக்குறிச்சி மாவட்ட செயலாளர் திரு. தர்மலிங்கம், கள்ளக்குறிச்சி மாவட்ட ஊடகப்பிரிவு செயலாளர் திரு. கோவிந்தன், கள்ளக்குறிச்சி மாவட்ட செயற்குழு உறுப்பினர்கள் திரு. ராமச்சந்திரன், திரு.தியாகராஜன் , கள்ளக்குறிச்சி கல்வி மாவட்ட செயலாளர் திரு வினோத் குமார் மற்றும் கள்ளக்குறிச்சி ஒன்றிய செயலாளர் திரு கார்த்திக் ஆகியோர் கல்வித்துறை அதிகாரிகளை நேரில் சந்தித்து புத்தாண்டு வாழ்த்துக்கள் தெரிவித்து நமது சங்கத்தின் செயல்பாடுகளை விரிவாக எடுத்துரைத்தோம்.
