NCTE CHAIRPERSON அவர்களுடன் சந்திப்பு!!!

 தேசிய ஆசிரியர் சங்கம் - தமிழ்நாடு சார்பில் புது டில்லியில் உள்ள NCTE தலைமை அலுவலகத்தில் NCTE CHAIRPERSON Prof. Pankaj Aroraa அவர்களை இன்று 02.11.2025 சந்தித்து, தமிழகம் உட்பட அனைத்து மாநிலங்களிலும்  TET தேர்வு சார்ந்து ஆசிரியர்கள் சந்திக்கும் பிரச்சினைகள் குறித்து விரிவாக பேசப்பட்டது. 

TET வினாத்தாள் வடிவமைப்பு சார்ந்து, ஆசிரியரின் முக்கிய பாடத்தில் 60 மதிப்பெண்கள் வைக்கவேண்டும் என்றும், மொழி ஆசிரியர்களுக்கான பாடங்கள் மற்றும் மதிப்பெண்கள், அதில் கொண்டு வரவேண்டிய மாற்றங்கள் குறித்து நீண்ட நேரம் விளக்கப்பட்டது. அதை Chairperson அவர்கள் ஏற்றுக் கொண்டார்கள்.

பணியில் உள்ள ஆசிரியர்கள் அனைவருக்கும் 60 மதிப்பெண்களை தகுதித் தேர்வு தேர்ச்சி மதிப்பெண் ஆக வைப்பது குறித்து பேசப்பட்டது. 

ஆசிரியர்களின் பணி கால அனுபவத்தினை கொண்டு அதிகபட்சமாக 25 என கருணை மதிப்பெண்கள் அளிப்பது குறித்தும் ஆலோசிக்கப்பட்டது.

 தற்போது டெட் தேர்வு முடித்த மூத்த ஆசிரியர்களின் பதவி உயர்வு குறித்தும் அவரிடம் பேசினோம் இவை அனைத்தும் உரிய கூட்டம் நடத்தி முடிவெடுப்பதாக தெரிவித்துள்ளார்கள்.

இன்று மதியம் 2 மணி முதல் 3 மணி வரை நடைபெற்ற, இக்கூட்டத்தில் தேசிய ஆசிரியர் சங்கம் தமிழ்நாடு சார்பில் மாநிலத்தலைவர் திரிலோகசந்திரன், மாநில செயற்குழு உறுப்பினர் வினோத்குமார் ஆகியோரும், NCTE சார்பில்  சார்பு செயலாளர்( Legal), சார்பு செயலாளர்(Academic), மற்றும் சார்பு செயலாளர் (Regulations) ஆகியோர் கலந்துகொண்டனர். இந்நிகழ்விற்கான ஏற்பாடுகளை நமது அகில இந்திய அமைப்பான ABRSM செய்திருந்தது.